O‘zbekistonda jamiyat hayotida axborot texnologiyalarining o‘rni kun sayin ortib borishi munosabati bilan ta’lim sohasining tezkor axborotlashuvi va kompyuterlashuvi kuzatilmoqda. Ta’lim sifatini yanga bosqichga ko‘tarishga qaratilgan ilg‘or tizimlar va innovatsion texnologiyalar faol joriy etilmoqda.
O‘zbekiston Respublikasi O‘rta maxsus kasb-hunar ta’limi markazi bilan hamkorlikda yaratilgan Smart Education ijtimoiy loyihasi o‘quv muassasalari uchun o‘zlashtirish darajasini baholashning eng yangi tizimidir. O‘qituvchilar va ma’muriyat uchun yaratilgan ushbu vosita innovatsion ishlanma sifatida har kunlik hujjat ishlarini yengillashtirishga qaratilgan.
Tizim o‘quv jarayoni va u bilan bog‘liq hujjat aylanmasini avtomatlashtirish, ota-onalarni boxabar qilish hisobidan o‘quv jarayoni shaffofligini oshirish imkonini beradi.
Bugun butun O‘zbekiston bo‘ylab Smart Education tizimiga test rejimida 400 dan ortiq kollej va litsey ulangan.
2016–2017-o‘quv yili yakunlariga ko‘ra o‘quv jarayoniga Smart Education tizimini faol joriy etayotgan kollej va litseylar reytingida birinchi o‘rinni Toshkent kimyo-texnologiya instituti qoshidagi Chirchiq akademik litsei band qildi.
Smart Education loyihasi litsey rahbari K.A. Ro‘ziyevga va informatika o‘qituvchisi B.A. Ahmedovga faol hamkorlik va namoyish etilgan tashkilotchilik tashabbusi uchun ulkan minnatdorlik bildiradi.
Smart Education tizimini joriy etish va rivojlantirishda Sehriyo maktabi, Toshkent davlat texnika universiteti qoshidagi 5-akademik litsey, Respublika olimpiya zaxiralari kolleji, Zangiota akademik litsei faol qatnashmoqda.
Reklama huquqi asosida.