Minskda Belarus davlat chegara qo‘mitasi raisi, general-mayor Anatoliy Lappo O‘zbekiston MXX chegara qo‘shinlari qo‘mondoni, general-mayor Rustam Eminjanov bilan uchrashdi. Bu haqda qo‘mita matbuot xizmati xabar bermoqda.
Tomonlar MDH davlatlari chegara qo‘shinlari qo‘mondonlari Kengashi doirasidagi va ikki tomonlama hamkorlik masalalarini muhokama qilindi.
O‘zbekiston delegatsiyasi Belarus — Polsha chegarasidagi “Peschatka” o‘tkazish punkti, Brest chegara guruhining “Kazimirovo” chegara zastavasi, Chegara xizmati institutining chegara nazorati mutaxassislarini tayyorlash markazi faoliyati, infrastrukturasi va xodimlarni o‘qitish tartibi bilan tanishdi.
Uchrashuv yakunlari bo‘yicha tezkor-xizmat faoliyati, kadrlar tayyorlash, ta’minot yo‘nalishlarida ikki tomonlama hamkorlikni rivojlantirishga qaratilgan bayonnoma imzolandi.
Izoh (0)