AQShda eronlik matematik ayol, Filds mukofoti laureati Maryam Mirzaxoniy olamdan o‘tdi. Bu haqda Meduza xabar bermoqda.

Foto: Reuters

Mirzaxoniy 40 yoshda edi. 4 yil avval unga ko‘krak saratoni tashxisi qo‘yilgandi.

Olima 2014-yilda matematika sohasidagi Nobel mukofotiga tenglashtiriladigan va 4 yilda bir bor taqdim etiladigan Filds mukofoti bilan taqdirlangandi.

U “Riman yuzaliklari dinamikasi va geometriyasi, shuningdek, ularning modul hududi” bo‘yicha tadqiqotlari uchun mazkur nufuzli mukofotga loyiq ko‘rilgan dunyodagi birinchi ayol va ilk Eron vakili bo‘lgandi.