Samarqand shahri yo‘l nazoratchilariga Honda mototsikllari topshirildi

So‘nggi yillarda Samarqand shahrida avtotransport vositalari ancha ko‘paygani sabab ba’zi ko‘chalar va chorrahalarda tirbandliklar yuzaga kelmoqda. Bu esa o‘z navbatida maxsus operatsiyani bajarayotgan xizmat avtomashinalarining harakatlanishiga ma’lum qiyinchiliklar tug‘dirmoqda, deb xabar yozadi “Samarkandskiy Vestnik”.

Foto: “SV.zarnews.uz”

Ushbu muammolarni inobatga olgan O‘zbekiston Ichki ishlar vazirligi Samarqand shahri yo‘l-patrul xizmati xodimlariga Yaponiyada ishlab chiqarilgan va maxsus jihozlangan mototsikllarni taqdim etdi.

Foto: Twitter/@Farhod Norbutayev

Samarqand viloyati IIB boshlig‘i polkovnik Fayzulla Quvondiqov boshchiligida bo‘lib o‘tgan namoyish seminari ishtirokchilari yo‘l harakati xavfsizligi boshqarmasi xodimlariga topshirilgan mototsikllarning texnik imkoniyatlari bilan tanishib chiqdi.

Foto: Twitter/@Farhod Norbutayev

Foto: Twitter/@Farhod Norbutayev

↓ KEYINGI XABAR ↓
Boshiga chiqing