Rossiya va Tojikistonning 3 mingdan ortiq harbiy xizmatchisi 14-iyul, juma kuni boshlangan jangovar tayyorgarlikning hamkorlikdagi birinchi to‘satdan tekshiruvida ishtirok etmoqda. Bu haqda Markaziy harbiy okrugi qo‘shinlari qo‘mondoni yordamchisi Yaroslav Roshchupkin ma’lum qildi, deya xabar beradi “TASS”.
“Rossiya va Tojikiston harbiylari ilk bor birgalikda jangovar tayyorgarlikning to‘satdan tekshiruvida ishtirok etmoqda. Ikki davlat harbiylari Rossiya tezkor-taktik va armiya aviatsiyasi ko‘magida yagona reja va yagona operativ sharoitda Tojikistondagi Lohur va Harbmaydon tog‘li poligonlarida jangovar-mashq vazifalarini bajarmoqda”, — dedi Roshchupkin.
Markaziy harbiy okrug vakiliga ko‘ra, harbiylar chaqiriq bilan ko‘tarilgan va poligonlarga yuborilgan. Bu yerda ular nazorat mashg‘ulotlari, o‘q otish va zarbalarni boshqarish bo‘yicha mashqlar, o‘zaro hamkorlikni maromiga yetkazish bilan shug‘ullanmoqda.
Izoh (0)