Peterburgdagi yong‘inda halok bo‘lganlar to‘g‘risidagi ma’lumot Xorazm viloyati hokimligiga yetkazildi

Sankt-Peterburg shahri tarkibiga kiruvchi Kolpinodagi metall angarda 13-iyul kuni yuz bergan yong‘in oqibatida yetti o‘zbekistonlik halok bo‘lgani tasdiqlandi. O‘zbekiston Tashqi ishlar vazirligi ma’lumotlariga ko‘ra, ularning bari Xorazm viloyatidan bo‘lgan.

“Halok bo‘lgan O‘zbekiston fuqarolari to‘g‘risidagi ma’lumot ularning oila a’zolarini xabarbor qilish maqsadida O‘zbekiston Ichki ishlar vazirligi bo‘linmalari va Xorazm viloyati hokimligiga yetkazildi”, — deyiladi TIV axborotida.

Xabar berishlaricha, Rossiyaning vakolatli organlari tomonidan sud-tibbiy ekpertizasi o‘tkazishga qaror qilingan. O‘zbekistonning Rossiyadagi elchixonasi Sankt-Peterburg va Kolpinoning tegishli idoralari bilan doimiy aloqada bo‘lib turibdi.