Peterburgdagi yong‘inda halok bo‘lgan yetti o‘zbekistonlikning ismlari e’lon qilindi. Ularning bari Xorazmdan

13-iyul kuni yong‘in sabablari va halok bo‘lganlarning shaxsini aniqlash uchun Kolpino shahriga (Sankt-Peterburg shahri tarkibiga kiradi) borgan O‘zbekiston elchixonasi xodimlari Sankt-Peterburg shahri Tashqi aloqalar qo‘mitasi ma’lumotiga asoslanib, 7 nafar O‘zbekiston fuqarolarining halok bo‘lganini tasdiqladi. Bu haqda O‘zbekiston Tashqi ishlar vazirligi matbuot xizmati xabar bermoqda.

Ularning ism-shariflari TIV saytida e’lon qilingan:

• Xusinov Ro‘zmat Qurbonboyevich, 1967-yil 1-yanvarda tug‘ilgan, Xorazm viloyati Yangiariq tumani, “Tagan” QFYda ro‘yxatda turadi;
• Xusinov Siroj Ro‘zmatovich, 1991-yil 16-oktabrda tug‘ilgan, Xorazm viloyati Yangiariq tumani, “Tagan” QFYda ro‘yxatda turadi;
• Otaniyozov Zoir Aminovich, 1973-yil 2-noyabrda tug‘ilgan, Xorazm viloyati Yangiariq tumani, “Tagan” QFYda ro‘yxatda turadi;
• Boyjanov Ilyos Qadamboyevich, 1988-yil 10-noyabrda tug‘ilgan, Xorazm viloyati Yangiariq tumani “Tagan” QFYda ro‘yxatda turadi;
• Sultonov Yunus Kuranboyevich, 1981-yil 21-aprelda tug‘ilgan, Xorazm viloyati Yangiariq tumani “Tagan” QFYda ro‘yxatda turadi;
• Atakov O‘tkirbek O‘ktamboyevich, 1989-yil 19-aprelda tug‘ilgan, Xorazm viloyati Yangiariq tumani “Gulobod” QFYda ro‘yxatda turadi;
• Quramboyev Shoxzod Xushnudbek o‘g‘li, 1997-yil 3-noyabrda tug‘ilgan, Xorazm viloyati Yangiariq tumani “Tagan” QFYda ro‘yxatda turadi.

Rossiyaning vakolatli organlari tomonidan sud-tibbiy ekpertizasi o‘tkazishga qaror qilindi. Elchixona Sankt-Peterburg va Kolpino shaharlarining tegishli idoralari bilan doimiy aloqada bo‘lib turibdi.