Toshkentning Do‘mbirobod qabristonida akademiklar Mixail Masson va Galina Pugachenkovalarga yodgorlik o‘rnatildi. Bu haqda “Oltin meros” xalqaro xayriya fondi ma’lum qildi, deya xabar beradi “Gazeta.uz”.
Fondning Toshkent viloyati boshqarmasi olimlar qabri ustida yodgorlik yaratishga aprel oyida kirishgandi. Fondning bosh me’mori Muhammad Foziliy loyiha muallifi bo‘ldi.
Granit va marmardan ishlangan monumentni yaratish uchun “Oltin meros” 30 million so‘m xayriya to‘pladi.
Arxeolog va tarixchi-sharqshunos Mixail Masson (1897−1986) Termiz, Niso va Marvadagi qazishma ishlariga rahbarlik qilgan, Samarqand, Buxoro, Toshkent va boshqa shaharlar tarixini tadqiq qilgandi.
Arxeolog va san’atshunos Galina Pugachenkova (1915−2007) o‘tgan asrning 40-yillaridan boshlab O‘zbekiston, Turkmaniston va Afg‘onistondagi arxeologik qazishmalarda ishtirok etgan, kitoblarida esa Parfiya va Baqtriya, Dalvarzintepa va Kampirtepa me’moriy inshootlariga keng o‘rin berilgandi.
Izoh (0)