Pekindagi laboratoriyada Oydagi hayot tarzida yashab ko‘rish bo‘yicha 200 kun davom etadigan tajriba boshlandi
Pekindagi maxsus laboratoriyada Oydagi hayot tarzida yashab ko‘rish bo‘yicha tajriba boshlandi: 4 nafar talaba 200 kun davomida tashqi dunyodan butkul uziladi. Bu haqda “RIA Novosti” xabar bermoqda.
“Yuegun” (“Oy saroyi”) laboratoriyasi Beyxan davlat texnika universitetida joylashgan bo‘lib, 160 kvadrat metrli maxsus kabinadan iborat. U shunday vazifani bajarishga mo‘ljallangan Xitoydagi birinchi, dunyoda esa esa uchinchi laboratoriya hisoblanadi.
Beyxan universiteti Oyda bo‘lib turish sharoitlariga o‘xshash bo‘lgan va 365 kunga mo‘ljallangan loyihani amalga oshirmoqda. 4 nafar volontyor 9-iyul, yakshanba kuni 60 kun davom etgan birinchi bosqichni yakunladi. 200 kundan iborat ikkinchi bosqichdan so‘ng yakuniy, 105 kun davom etadigan bosqich boshlanadi.
