Facebook ijtimoiy tarmog‘i shtab-kvartirasi yaqinidan turar-joylar majmuasidan iborat shaharcha qurishni rejalashtirmoqda. Bu haqda “Interfaks” xabar berdi.
Kompaniya ikki yil muqaddam Kaliforniyadagi Menlo-Park shahrida joylashgan yangi kompleksga ko‘chib o‘tdi. Uning maydoni 40 ming kvadrat metrni tashkil etadi. Endilikda kompaniya ofis maydonidan tashqari inshootlarni ham kengaytirishni xohlamoqda.
Yangi binolar Menlo Science & Technology Park bog‘ida joylashadi, uning maydoni 227 ming kvadrat metrni tashkil etadi. Bog‘ni Facebook 2015-yili sotib olgan edi.
Oziq-ovqat do‘koni, dorixona va boshqa savdo nuqtalari 11,6 ming kvadrat metr maydonni, ofislar esa 162 ming kvadrat metr maydonni egallaydi.
Izoh (0)