Germaniyaning G20 sammiti o‘z ishini yakunlagan Gamburg shahrida 500 ga yaqin politsiyachi namoyishchilar bilan to‘qnashuvda jabrlandi. Bu haqda shahar politsiyasi tezkor bo‘limi boshlig‘i Xartmut Dudde ma’lum qildi, deya xabar beradi “RIA Novosti”.
Duddega ko‘ra, 6-iyul, payshanbadan beri shaharda sammit o‘tkazilishidan norozilik sifatida boshlangan namoyishlarda 476 nafar politsiyachi jarohat oldi.
“Ko‘pchilik juda cho‘chigan, jumladan, men ham. Bizning Gamburgda bunday ko‘rinishlar yuz bermasligi kerak edi. Eng ko‘ngilsiz holat shundan iboratki, tartibni saqlash uchun nimaiki qilish lozim bo‘lsa, barchasi amalga oshirilgandi”, — dedi Gamburg burgomistri Olaf Shols.
Eslatib o‘tamiz, oldinroq Gamburgdagi tartibsizliklar tufayli 300 ga yaqin kishi qo‘lga olingani bildirilgandi.
Izoh (0)