Angliyalik aktyor, to‘rt filmda agent Jeyms Bondning rolini ijro etgan Deniel Kreyg yana ushbu obrazga qaytadi. Bu haqda The Independent nashri yozmoqda.
Aytilishicha, franshiza prodyuseri Barbara Brokkoli aktyor nomzodini ma’qullagan. Manbalarga ko‘ra, ushbu rolga asosiy nomzod hisoblangan Tom Xiddlstonni “ortiq darajada o‘ziga bino qo‘ygan” deb topgan.
Brokkoli britaniyalik xonanda Adel bilan kelishib, unga yangi film uchun qo‘shiq buyurtma qilishni rejalashtirmoqda. Uning “007: Koordinatalar ‘Skayfoll’” filmi uchun ijro etgan kuyi “Gremmi” va “Oltin globus” mukofotlariga sazovor bo‘lgan edi.
2015-yili Deniel Kreyg bondiananing keyingi filmlarida ishtirok etganidan ko‘ra tomirlarini kesib tashlashini aytgan edi.
Izoh (0)