Kataloniyaning “Barselona” klubi bilan yangi kelishuvga erishgan Lionel Messi yiliga 62 million yevro maosh oladi. Bu haqda “Chempionat” The Sunday Times nashriga asoslanib ma’lumot berdi.
Ingliz nashri bunda argentinalik hujumchining maoshini mahalliy funtda ko‘rsatgan — yiliga 55 million. Bundan ko‘rinib turibdiki, “Barselona” Messining hisob raqamiga har hafta 1 million funt tushirib turadi.
Yozgi ta’tilni o‘tkazayotgan va yaqindagina to‘yi bo‘lib o‘tgan 30 yoshli hujumchi “Barselona” lageriga yetib kelganicha yo‘q. O‘z navbatida klub Messi bilan tuzilgan shartnoma o‘z ichiga nimalarni olishi borasida aniq ma’lumot ham bermagan.
Avvalroq klub prezidenti Xosep Mariya Bartomeu Lionel Messi jahonda eng katta maosh oluvchi futbolchi bo‘lishi haqida aytib o‘tgandi. Bundan tashqari klub yetakchi futbolchisini yangi bitimga ko‘ndirish uchun 50 million yevro suyunchi puli ham taklif qilgandi. Bularning hammasi bir bo‘lib, Messi jamoasi bilan 2021-yilga qadar shartnoma imzolashga qaror qildi.
Izoh (0)