Gretsiyada amerikalik sayyoh o‘ldirildi. Bu haqda, mahalliy politsiyaga tayanib, ABC News ma’lum qildi, deb xabar beradi “Interfaks”.
Qotillik 7-iyul, juma kuni Ionika dengizidagi Zakinf orolida ro‘y berdi. Arizona universitetining 22 yoshli bitiruvchisi Bakari Xenderson mushtlashuv qurboni bo‘ldi.
Zakinf meri Pavlos Kolokostasga ko‘ra, barda o‘ta mast holatda bo‘lgan ikki guruh o‘rtasida janjal kelib chiqqan va mushtlashuvga aylanib ketgan.
Hodisaga aloqador sakkiz kishi — olti nafar serbiyalik sayyoh, kelib chiqishi serb millatiga mansub Britaniya fuqarosi va barda ishlagan grek qo‘lga olindi.
8-iyul, shanba kuni ular ustidan sud boshlandi.
Izoh (0)