Qutqaruvchilar Bektemir tumanida Chirchiq daryosida cho‘milish chog‘ida murakkab vaziyatga tushib qolgan fuqaroga yordam ko‘rsatdi. Bu haqda FVV matbuot xizmati xabar berdi.
“6-iyul kuni soat 22:07 da FVV navbatchilik qismiga cho‘milish qoidalarini buzganligi natijasida bir kishi Toshkent shahar Bektemir tumani hududidan oqib o‘tuvchi Chirchiq daryosining chap tomonidagi qirg‘og‘i yonida joylashgan kichik orolchaga tushib qolgani va uni qutqarish uchun yordam so‘rayotganligi to‘g‘risida ma’lumot kelib tushdi”, — deyiladi xabarda.
Ushbu ma’lumotga ko‘ra FVV qutqaruv otryadi voqea joyiga 22:20 da yetib bordi.
Qutqaruvchilar tomonidan tungi vaqtda cheklangan ko‘rinishga va qattiq oqimga qaramasdan maxsus qayiqda fuqaro Muzaffar (21 yosh) qutqarib olindi, birinchi tibbiy yordam ko‘rsatildi va yaqinlariga topshirdi.