Chechenistonning milliy siyosat, tashqi aloqalar, matbuot va axborot vaziri Jambulat Umarov “Novaya gazeta” nashrining respublikada amalga oshirilgan ommaviy qatllar haqidagi surishtiruvini yolg‘on deb atadi. Bu haqda “MK.ru” xabar bermoqda.
“Bu ma’lumotlar ‘Novaya gazeta’ muxbiri Yelena Milashinaning nosog‘lom xayolotining yana bir mahsulidir”, — dedi Umarov.
“Aftidan, Milashina va uning hamkasblari shu qadar fantaziyaga kambag‘allashib qoldiki, o‘zlari muallifi bo‘lgan janjallarga yana qaytmoqda”, — qo‘shimcha qildi vazir.
Ilgari matbuotda Chechenistonda yil boshida 56 kishi otib tashlangani haqida yozilgan edi.
Izoh (0)