Kim Chen In qit’alararo raketani yaratganlar bilan birgalikda bobosining xotirasini yod etdi

Kim Ir Senning vafot etganiga 23 yil to‘lishi munosabati bilan KXDRda 8-iyul, shanba kuni marosim bo‘lib o‘tdi, deb xabar berdi “TASS”.

Xabar berishlaricha, Pxenyanda KXDRning “birinchi va abadiy” prezidenti qabri joylashgan Kimsusan saroyiga o‘n minglab odam oqib kelmoqda.

Ular orasida Koreya mehnat partiyasi, Oliy xalq kengashi rahbarlari, vazirlar mahkamasi vakillari, siyosiy va jamoat tashkilotlari, mehnat jamoalari, Koreya xalq armiyasi jangchilari, talabalar va maktab o‘quvchilari ham bor.

“Quyosh saroyi” deya ataluvchi ushbu yodgorlikka birinchi bo‘lim KXDR yetakchisi Kim Chen In yarim tundan so‘ng tashrif buyurdi. Unga Pxenyanga taklif qilingan, 4-iyul kuni mamlakatda uchirilgan “Xvason-14” qit’alararo ballistik raketasining yaratuvchilari hamrohlik qildi.

Mahalliy gazetalarning deyarli barcha sahifalari “beqiyos buyuk inson”, “Millat otasi” va “Abadiy chuchxe quyoshi” mavzusiga bag‘ishlangan.

1977-yilda granit va marmardan qurilgan Kimsusan saroyi avvaliga Kim Ir Senning qarorgohi sifatida qo‘llanilgan. U bu yerda xorijiy davlatlar yetakchilarini qabul qilgan, partiya hamda iqtisodiy kadrlar bilan majlislar, uchrashuvlar o‘tkazgan.

1994-yil 8-iyulda Kim Ir Sen vafot etgach, saroy maqbaraga aylantirilgan.