Tarmoqda to‘yiga vertolyotda yo‘l olayotgan qiz hayotidagi oxirgi daqiqalar aks etgan video paydo bo‘ldi. Avariya oqibatida uchuvchi va uch yo‘lovchi halok bo‘ldi, deya xabar beradi “Vesti.ru”.
Fojia Braziliyaning San-Paulu shahrida 2016-yil dekabrida ro‘y bergandi, biroq hodisa lavhalari internetda yaqinda, halokat tergovi davomida paydo bo‘ldi.
Rozemere de Nasimento Silva kuyov uchun syurpizni rejalashtiradi va nikoh marosimi o‘tkaziladigan joyga “Robinson 44” vertolyotida, ukasi Silvano va fotograf Nayyala Kristina Neves hamrohligida yo‘l oladi. Vertolyotni uchuvchi Peterson Pineyro boshqardi.
Syurpriz haqida marosimga yig‘ilgan 300 nafar mehmondan sanoqli kishi bilardi, xolos. Keyinchalik havo kemasi to‘y o‘tkazilayotgan manzilga atigi bir kilometr yetmay qulagani ma’lum bo‘ldi. Avariya joyida Neves kelinni suratga olgan smartfon topildi.
Parvoz avvaliga risoladagidek ketayotgandi, biroq vertolyot birdaniga qulab tushdi. Tergovchilarga ko‘ra, mashina uchuvchi xatosi tufayli daraxtga borib urilgan bo‘lishi mumkin.
Izoh (0)