Malayziya klublarida to‘p surayotgan o‘zbekistonlik ikki futbolchi — Lutfulla To‘rayev hamda Farhod Tojiyev chempionatning ikkinchi davrasini “Olmaliq” safida davom ettiradi.
Ayni vaqtda olmaliqliklar Belarusda o‘quv-mashg‘ulot yig‘inlari o‘tkazmoqda. Klubdagi manbaning “Daryo”ga ma’lum qilishicha, Tojiyevlarning kichigi hamda Lutfulla To‘rayev bugun tongda Minskka yetib kelgan.
Tojiyev o‘tgan mavsumning birinchi davrasini aynan “Olmaliq” bilan o‘tkazib, keyinroq Malayziyaga jo‘nab ketgandi. Lutfulla To‘rayev esa o‘z vaqtida bosh murabbik Viktor Kumikov qo‘li ostida “Mash’al”da to‘p surgan, deb ma’lumot berdi “Championat.asia” nashri.
Bulardan tashqari yana uch nafar futbolchi “Olmaliq” safiga yetib kelgan. Yangi futbolchilar qachon rasman tanishtirilishi borasida aniq ma’lumotlar yo‘q.