Putin uchun “Kortej”
“Kortej” loyihasi doirasida prezident va yuqori mansabli amaldorlar uchun avtomobillar ishlab chiqarish amalga oshirilmoqda: sedan, miniven va yo‘ltanlamaslarni oddiy iste’molchilar ham sotib olishi mumkin bo‘ladi.
Avvalroq, tayyor avtomobillar sinov va testlar uchun maxsus maqsadli garajga topshirilgan edi. Avtomobillar rasman 2018-yilda bo‘lib o‘tadigan saylovlardan so‘ng, inauguratsiyada taqdim etiladi. Rejalarga ko‘ra uzoq yillardan so‘ng Rossiya prezidenti o‘z yurtida ishlab chiqarilgan avtomobilda harakatlanadigan bo‘ladi.
Avtomobillarni seriyali ishlab chiqarish esa 2018—2019-yillarga mo‘ljallangan. VIP-avtomobillar uchun to‘rt turdagi motorlar taqdim etiladi. Ularning barchasi Rossiyada ishlab chiqarilgan bo‘ladi. Ular ichida eng kuchlisi ishchi hajmi 6—7 litr bo‘lgan V12 dvigateli, uning quvvati 800—859 ot kuchiga ega bo‘lishi kutilmoqda.Trampning “Yirtqich”i
General Motors kompaniyasi AQSh prezidenti uchun maxsus Cadillac avtomobilini tayyorladi. Prezident uchun mo‘ljallangan zirhli limuzin eshiklarining qalinligi 20 santimetr bo‘lib, “Yirtqich” nomini olgan. Avtoekspertlarning baholashicha, u dunyodagi eng xavfsiz avtomobil bo‘lishi mumkin. Uning og‘irligi 8 tonna bo‘lib, eshiklarining og‘irligi Boeing-757 samolyotini eshiklari og‘irligiga teng.
2017-yilning may oyida Trampning avtomobili juda enli bo‘lganligi sabab Bryusseldagi qirollik rezidensiyasining darvozasiga sig‘magan.Makron uchun Citroen
Citroёn kompaniyasi Fransiya prezidenti Emmanuel Makron uchun DS7 Crossback krossoverini inauguratsiyaga qadar taqdim etdi. Makron 2017-yil 14-may kuni bo‘lib o‘tgan inauguratsiya marosimining asosiy qismida aynan shu avtomobilda yurdi. Avtomobil yuqori qismiga Makron uchun maxsus ochiluvchi tom qo‘yilgan bo‘lib, bu orqali prezident fransuzlarga salom yo‘llashi mumkin.Kansler uchun Kanzler
Germaniya kansleri Angela Merkel ko‘pincha Audi A8 L Security W12’ning maxsus Kanzler variantida yuradi. Bu avtomobilni Merkelning o‘zi tanlagan. Uning ko‘plab vazirlari esa zirhli BMW’da yurishni ma’qul ko‘radi. Shuningdek, kanslerning garajida Sonderklasse klassidagi Mercedes-Benz S600L ham bor.Qirolicha uchun Bentley
Birinchi seriyali Bentley Bentayga 2015-yilda Buyuk Britaniya qirolichasi Yelizaveta II uchun ro‘yxatga olingan. Qirolicha o‘zining avtomobillarga bo‘lgan muhabbati bilan mashhur. U Range Rover’ning turli modellarida va hatto qirollik oilasiga xos bo‘lmagan Land Rover Defender’dan ham foydalangan.Si Szinpin uchun L5
Xitoy yetakchisi Si Szinpin Hongqi CA770 modelida yurishni ma’qul ko‘radi. L5 hozirda eng qimmat Xitoy avtomobili ekanligi va istalgan sotib olishi mumkinligi bilan mashhur. Uning narxi besh million (760 000 dollar). Sedan 2013-yilda Shanxaydagi avtosalonda taqdim etilgan bo‘lib, uni faqat Xitoy hududida sotib olish mumkin.Kim Chen In uchun Mercedes
Shimoliy Koreya yetakchisi qanday avtomobildan foydalanishini o‘ta maxfiy saqlanadi. Biroq 2015-yilda Janubiy Koreya OAVlari KXDR yetakchisi uchun Germaniyada maxsus zirhli Mercedes yig‘ilib Shimoliy Koreyaga yetkazilgani haqida ma’lumotlarini e’lon qilgandi.