O‘zbekiston Prezidenti Shavkat Mirziyoyev 2018—2021-yillarga mo‘ljallangan Yoshlar uylarini barpo etish dasturini ishlab chiqishga ko‘rsatma berdi. Bu haqda Prezidentning 5-iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmonda gapirilgan, deb yozadi UZ24.
Mamlakatning ijtimoiy-siyosiy hayotida faol ishtirok etayotgan yosh oilalar “Yoshlar uyi”dan xonadon olishi mumkin bo‘ladi.
Yoshlar uylarini barpo etish dasturida barcha yirik shaharlarda – ko‘p qavatli, qishloq tumanlarida – 1—2 qavatli namunaviy loyihalar asosida arzon uylar yoshlarning uy-joyga bo‘lgan ehtiyojlaridan kelib chiqib qurilishi nazarda tutiladi.
Vazirlar Mahkamasi, Iqtisodiyot vazirligi, Moliya vazirligi, Arxitektura va qurilish davlat qo‘mitasiga O‘zbekiston yoshlar ittifoqi bilan hamkorlikda bir oy ichida dasturni ishlab chiqish va tasdiqlash vazifasi qo‘yilgan.
Izoh (0)