Rossiyaning BMTdagi doimiy vakili o‘rinbosari Vladimir Safronkov Shimoliy Koreyaga nisbatan kuch ishlatishdan tiyilishga chaqirdi. Bu haqda “Vedomosti” xabar bermoqda.
“Koreya yarim oroli muammolarini hal etish uchun harbiy choralar ko‘rilishi ehtimoli istisno etilishi lozim”, — dedi Safronkov BMT Xavfsizlik kengashi shoshilinch yig‘ilishidagi chiqishida.
Diplomat KXDR tomonidan 4-iyul kuni ballistik raketa uchirilishi bilan bog‘liq vaziyat aniqlik kiritilishini talab etishini ta’kidladi.
Vladimir Safronkovga ko‘ra, Rossiya mudofaa vazirligining kuzatuv tizimlaridan olingan ma’lumotlar KXDR qurilmasi parvozi parametrlari o‘rta masofaga uchuvchi ballistik raketa taktik-texnik xususiyatlariga to‘g‘ri kelayotganini ko‘rsatmoqda. AQSh esa gap qit’alararo ballistik raketa haqida ketayotgan deb hisoblamoqda.
Eslatib o‘tamiz, oldinroq AQShning BMTdagi doimiy vakili Nikki Xeyli Vashington Shimoliy Koreyaga bosim o‘tkazish uchun harbiy kuchdan foydalanishga ham tayyorligini bildirgandi.
Izoh (0)