Rossiyaga qator G‘arb davlatlaridan qishloq xo‘jaligi, xomashyo va oziq-ovqat mahsulotlari keltirishga taqiq 2018-yil 31-dekabrgacha uzaytirildi. Rossiya hukumati 4-iyul, seshanba kuni qabul qilgan qarorda shu haqda so‘z boradi, deya xabar beradi “Vedomosti”.
Gap AQSh, Yevroittifoq davlatlari, Kanada, Avstraliya, Norvegiya, Ukraina, Albaniya, Chernogoriya, Islandiya va Lixtenshteyndan keltiriladigan mahsulotlar haqida ketmoqda.
“Bu cheklovlar ayrim davlatlarning Rossiyaga qarshi sanksiyalar tartibidagi ishtirokidan kelib chiqib maxsus iqtisodiy choralar qo‘llashdan iborat”, — deyiladi qarorga berilgan izohda.
Hukumat qarori Rossiya prezidenti Vladimir Putinning sanksiyalarni uzaytirish haqidagi farmonidan kelib chiqib qabul qilindi. Yevroittifoq 29-iyun kuni Rossiyaga nisbatan cheklovlarni 2018-yil 31-yanvargacha uzaytirgandi.
Izoh (0)