Futbol-TV telekanali yoz mavsumida bo‘lib o‘tadigan eng sara o‘rtoqlik uchrashuvlarini jonli efirda namoyish qiladi. Bu haqda UzReport telekanalining Instagram sahifasi ma’lumot berdi.
Yoz futbol uchrashuvlariga u qadar boy mavsum emas, deb yozilgan ma’lumotda. Yevropa milliy chempionatlarda tanaffus e’lon qilingan, ko‘p jamoalar ta’tilga chiqqan, rasmiy musobaqalar to‘xtagan. Shunga qaramay, Futbol-TV telekanali o‘zbekistonlik futbol muxlislari yoz mavsumida jonli translyatsiyalardan bahra olishi uchun o‘ziga xos sovg‘a tayyorladi.
5-iyuldan boshlab telekanal Yevropaning top klublari ishtirokidagi o‘rtoqlik o‘yinlarini “Top-100” turkumi doirasida muxlislar e’tiboriga havola qiladi. Loyiha avgust oyi boshiga qadar davom etadi.
Bunda Futbol-TV telekanali “Monako”, “Ayaks”, “Olimpik Marsel”, “Valensiya”, “Vest Hem”, “Lester”, “Everton”, “Uotford”, “Vest Bromvich”, “Kristal Pelas”, “Atletiko”, “PSV Eyndxoven”, “Fenerbaxche”, “Inter” Milan, “Fiorentina”, “Borussiya Myonxengladbax”, “Shalke”, “Bayer” kabi jamoalar ishtirokidagi o‘yinlarni jonli efirda namoyish etadi.
Izoh (0)