Mamontlarni “qayta tiriltirish” tashabbusi PayPal to‘lov xizmatining asoschisi Piter Tilda qiziqish uyg‘otdi. Milliarder ushbu tadqiqotga 100 ming dollar investitsiya kiritdi, deb xabar beradi “Nauka”.
Shunday qilib Til bir necha yillardan beri mamont va zamonaviy fillar genomini chatishtirish ustida ishlayotgan Garvard universitetidan bo‘lgan olimlar jamosiga ko‘mak berdi. Hozircha bu ilmiy-fantastik soha hisoblanadi, biroq genetiklar ushbu soha haqiqatga aylanishiga ishonmoqda.
Tilda qiziqarli bir fakt mavjud. “Ijtimoiy tarmoq” filmi suratga olinishida asos bo‘lib xizmat qilgan kitobda ta’kidlanishicha, milliarder Garvard jamoasi rahbari Jorj Cherch bilan “eng ahmoqona narsani” moliyalashtirish bo‘yicha suhbat qurgan. Kitob muallifi Ben Mezrichning qayd etishicha, Til mamontlarning qayta tiriltirilishini tadqiqot foydasiga, sun’iy intellekt va yoshlikni uzaytirish imkoniyatini o‘rganiyotganlar foydasiga tanlagan.
Cherch fevral oyida ma’lum qilganidek, “qayta tiriltirish” rejalashtirilayotgan mamontlar, biz maktab darsliklarida ko‘rgan mamontlar kabi bo‘lmaydi.
Ulkan mamontlar ushbu turdagi hayvonlarning muzlab qolgan qoldiqlaridan topilgan DNKlar va Hindiston hamda Afrikada yashaydigan ularning avlodlarini DNK modifikatsiyalari yordamida “qayta tiriltiriladi”. Shuning uchun qadimiy mamont “tirilishi”ni emas, “mamot belgilari bor filning tirilishini” kutish lozim.
Har qanday vaziyatda ham bu gen injeneriyasida ulkan qadam: Cherch bir necha o‘n yildan beri qirilib ketgan turlarni qayta tiriltirish masalasini o‘rganadi va bu vaqt davomida uning jamoasi Osiyo fillari xromosomalariga mamontning 45 ta genini topib kiritishga muvaffaq bo‘ldi.
Olimlar to‘laqonli eksperiment embrionni CRISPR/Cas9 genomini ilg‘or texnologiyalardan foydalanib tahrir qilishni rejalashtirmoqda.
Amerikalik olimlar “mammophant” deya atayotgan ushbu jonzot mamontning barcha alomatlariga — hayvonning sovuqqa qarshi kurashishida ko‘maklashuvchi kichkina quloqlarga, teri ostidagi yog‘ga, yung va “qaynoq” qonga ega bo‘ladi. Olimlar ushbu ulkan jonzot ikki yildan so‘ng yana sayyora bo‘ylab aylanib yurishiga ishonmoqda.
Izoh (0)