Dubaydagi Latifa Hospital kasalxonasi jarrohlari Amirliklarda yashovchi 40 yoshli ayolning qorin bo‘shlig‘idan 17,5 kilogrammli o‘simtani olib tashladi. Bu haqda UAE Inside xabar bermoqda.
Mijoz kasalxonaga 30-iyun, juma kuni kuchli og‘riqdan shikoyat bilan keltirildi. O‘simta uning salomatligi va hayotiga jiddiy xavf solayotgandi.
Muassasa akusherlik va ginekologiya bo‘limi boshlig‘i Amal al-Kedraxga ko‘ra, bemorning holati nafaqat BAA, balki butun dunyoda ham kamdan kam uchraydi.
Shifokorlar zudlik bilan operatsiya o‘tkazish to‘g‘risida qaror qabul qildi. To‘liq narkoz ostidagi operatsiya 3,5 soat davom etdi.
Izoh (0)