“Obod”ning debyut mavsumida 14 ta gol urgan hujumchi Mirjalol Qosimov jamoasiga qo‘shildi

Toshkentning “Obod” klubi hujumchisi Shohruz Norxonov katta ehtimol bilan faoliyatini “Bunyodkor”da davom ettiradi. “Championat.asia” nashrining qayd etishicha, futbolchi “qaldirg‘ochlar” mashg‘ulotida ishtirok etishni boshlagan.

Norxonovning “Obod” bilan shartnomasi kelasi yil oxirida yakuniga yetadi. Agar u ikkinchi davrani “Bunyodkor”da boshlamoqchi bo‘lsa, Toshkentning ikki klubi o‘rtasida transfer yuzaga keladimi yoki hujumchi erkin agent maqomini qo‘lga kiritadimi — aniq ma’lumot berilmagan.

Avvalroq “Obod” klubi tarqalib ketish arafasida turgani, unda moliyaviy muammolar kuzatilayotgani aytilgan bo‘lib, O‘zbekiston milliy terma jamoasi bosh murabbiyi Samvel Babayan Toshkent klubini qo‘lga kiritish uchun harakat boshlagani borasida ham xabarlar chiqqandi.

24 yoshli Shohruz Norxonov Oliy liganing o‘tgan yilgi mavsumida ko‘pchilikning diqqatini tortib, Oliy liga debyutanti safida 14 ta gol urishga muvaffaq bo‘lgandi. Futbolchiga “Paxtakor” klubi ham qiziqqani aytilgan bo‘lsa-da, ko‘rinishidan u “Bunyodkor” bilan og‘zaki kelishuvga erishib bo‘lgan.