Fotogalereya: Xitoydagi eng ommabop avtomobillar

Joriy yilning boshidan buyon Xitoy avtomobil bozoriga 24 ta yangi avtomobil kirib keldi. Ularning kelishi mamlakatda sotilayotgan mashinalarning kuchli o‘nligiga ta’sir qildimi? “Motor” nashri Xitoy avtomobil bozorining 2017-yil may oxiriga ma’lumotlari bilan bo‘lishdi.

10-o‘rin — Volkswagen Sagitar

Ushbu avtomobil oltinchi pog‘onadan o‘ninchilikka tushib ketdi (2016-yil natijalariga nisbatan), shu bilan birga savdo hajmi 17,7 foizga pasaydi: 143 403 donadan (2016-yil) 117 984 ga (2017-yil).

9-o‘rin — Volkswagen Jetta

Xitoyda Jetta nomi ostida sotiladigan Polo sedani yettinchi pog‘onadan to‘qqizinchiga tushib qoldi. Savdo hajmi 10,3 foizga pasaydi. 2016-yilning dastlabki besh oyida Xitoyda 140 758 dona Jetta sotilgan bo‘lsa, joriy yilda 126 223 ni tashkil etdi.

8-o‘rin — Volkswagen Tiguan

Avvalgi reytingda 17-pog‘onada bo‘lgan Tiguan joriy yilda 8-o‘ringa chiqib oldi. Uning savdo hajmi 37,3 foizga ko‘tarildi. 2016-yilning dastlabki besh oyida 95 616 dona Tiguan sotilgan bo‘lsa, 2017-yilda ushbu ko‘rsatgich 131 245 ni tashkil etdi.

7-o‘rin — Toyota Corolla

2016-yilning iyunida to‘qqizinchi o‘rinda bo‘lgan Corolla ushbu yilda yettinchi pog‘onaga chiqib oldi. Savdo hajmi esa 0,7 foizga ortdi. O‘tgan yilning besh oyida davomida 135 853 avtomobil sotilgan bo‘lsa, ushbu yilda 136 758 ta sotildi.

6 o‘rin — Nissan Sylphy

Ushbu modelga bo‘lgan talab joriy yilda 29,5 foizga ortdi. 2016-yilning may oyiga qadar 113 561 dona sotilgan bo‘lsa, joriy yilda ushbu ko‘rsatkich 147 055 ni tashkil etdi.

5-o‘rin —GAC Trumpchi GS4

O‘tgan yili reytingda 12 pog‘onada bo‘lgan Trumpchi GS4 joriy yilda 5-o‘ringa chiqib oldi. Statistikaga ko‘ra uning savdo hajmi 19,8 foizga ortgan. O‘tgan yilning may oyiga qadar 124 675 dona sotilgan bo‘lsa, joriy yilda ushbu ko‘rsatkich 149 388 tani tashkil etdi.

4-o‘rin Buick Excelle

Savdo hajmining +141,5 foizga ortishi hisobiga Vuick Excelle rekord o‘rnatdi. Excelle 32 pog‘onadan to‘rtinchi o‘ringa chiqib oldi. O‘tgan yili 67 896 dona sotilgan bo‘lsa, joriy yilda ushbu ko‘rsatkich 163 945 tani tashkil etdi.

3-o‘rin — Haval H6

Haval H6 o‘tgan yilgidek uchinchilikdan joy oldi. Uning savdo hajmi 5,6 foizga ortgan. 2016-yilda 202 706 dona sotilgan bo‘lsa, 2017-yilda 191 396 avtomobil o‘z egalarini topishga muvaffaq bo‘ldi.

2-o‘rin — Volkswagen Lavida

Joriy yilda Xitoyda 220 363 nusxada sotilgan Volkswagen Lavida reytingdan kumush o‘rinni egalladi. O‘tgan yil 9,6 foiz ortiq (243 769 dona) sotilgan edi.

1-o‘rin — Wuling Hongguang

Yanvardan may oyiga qadar ushbu avtomobil markasidan 226 510 dona sotilgan, biroq bu o‘tgan yilgiga nisbatan 10,2 foiz kam (2016-yilda 252 357 dona) demakdir.