Indoneziyada 8 kishi qutqaruv vertolyotining Yava orolida halokatga uchrashi qurboni bo‘ldi. Bu haqda “RBK” xabar berdi.
Vulqon otilishi hududidan odamlarni evakuatsiya qilishda ishtirok etayotgan vertolyot bortida Indoneziya harbiy-dengiz kuchlarining 4 nafar zobiti va 4 qutqaruvchi bor edi. Havo kemasi Seleri kraterida vulqon otilishi boshlangan Diyeng platosiga uchib kelayotganda qoyaga urildi.
“Sinxua” agentligiga ko‘ra, kraterdan lava va bug‘ ko‘tarilishni boshlaganda undan 15 metr narida sayyohlar guruhi bo‘lgan. Hodisa oqibatida 10 nafar sayyoh jabrlandi. Rasmiylar vulqon otilishi hududiga sayyohlar guruhi borishini chekladi.
Izoh (0)