Facebook foydalanuvchisi Narimmat Yo‘ldoshev o‘z sahifasida joriy yilning 24–25-iyun kunlari Toshkent–Urganch yo‘nalishida chipta sotib olish bo‘yicha e’tiroz va mulohazalarini bildirdi. “O‘ztemiryo‘lyo‘lovchi” aksiyadorlik jamiyati ma’muriyati murojaatdni o‘rganib chiqdi va foydalanuvchiga javob berdi, deb xabar qiladi “Darakchi.uz”.
Ma’lumki, 26-iyun kuni “Ramazon hayiti kuni” deb e’lon qilinib, dam olish kuni etib belgilandi. Shu munosabat bilan bayram oldi viloyatga ketuvchi yo‘lovchilar soni bir muncha ortdi. Natijada 24–25-iyun kunlari Toshkent–Urganch yo‘nalishida harakatlanadigan poyezdlarning chiptalari harakat kunidan oldin to‘liq sotib tugatildi.
Shuningdek, bayram munosabati bilan “O‘zbekiston temir yo‘llari” aksiyadorlik jamiyati tomonidan 27-iyun kuni viloyatlardan Toshkent shahriga keluvchi yo‘lovchilarni joy bilan ta’minlash maqsadida 26-iyun kuni jo‘naydigan 58-sonli Toshkent–Shovot poyezdiga qo‘shimcha oltita “plaskart” vagonlari ulandi. Mazkur vagonlar 21–23-iyun kunlari yo‘nalish harakati tarkibiga kiritildi.
Aniqlanishicha, 26-iyun kuni jo‘naydigan 58-sonli Toshkent–Shovot poyezdining qo‘shimcha ulangan oltita vagoniga umumiy 31 chipta sotilib, shundan 21 tasi Toshkent–Navoiy–Uchquduq–Urganch yo‘nalishlari bo‘yicha beshta chipta Jizzax–Urganch yo‘nalishi bo‘yicha va beshta chipta Samarqand–Urganch yo‘nalishi bo‘yicha rasmiylashtirilgan.
Facebook foydalanuvchisi Narimmat Yo‘ldoshev postida keltirilgan chipta sotuvchining muomalasi va navbatchining mas’uliyatsizligi bo‘yicha bildirilgan fikrlar ham chiptaxonalarda o‘rnatilgan videokameralar orqali o‘rganilib, tahlil qilindi. Holat postda keltirilgan fikrlar kabi o‘ta keskin bo‘lmasada, xodimlarga nisbatan qat’iy intizomiy choralar ko‘rildi.
Izoh (0)