O‘zMTRKning “Yoshlar” telekanaliga rahbar etib tayinlangan O‘zbekiston xalq artisti Ozodbek Nazarbekov 1-iyul kuni Andijonda sahnaga chiqdi. Bu haqda “Daryo”ga Andijon viloyati hokimligi matbuot xizmati ma’lum qildi.
1-iyul kuni Andijonda qo‘l jangi bo‘yicha Chempionlar ligasi H2H Fight xalqaro musobaqasi bo‘lib o‘tgan. Uning ochilishida taniqli estrada xonandalari, jumladan, Ozodbek Nazarbekov ham chiqish qilgan.
Qo‘shimcha qilishlaricha, tadbirda Ozodbek Nazarbekovdan tashqari Farrux Zokirov boshchiligdagi “Yalla” guruhi, xonanda Gulsanam Mamazoitova va boshqalar ham qatnashgan.
Avvalroq Ozodbek Nazarbekov 1-iyul kuni Namangan viloyatining Qirg‘iziston bilan chegaradagi Nanay qishlog‘ida tashkil etilgan “Fidoying bo‘lgaymiz seni, O‘zbekiston” tadbirida chiqish qilgani haqida xabar berilgan edi.
Ma’lumot uchun, faoliyati tugatilgan “Kamolot” yoshlar ijtimoiy harakatining 30-iyun kuni bo‘lib o‘tgan qurultoyida Ozodbek Nazarbekov O‘zMTRKning “Yoshlar” telekanaliga rahbar etib tayinlash haqida qaror chiqarilgan edi.
Izoh (0)