Qoraqalpog‘iston Respublikasidagi oliy o‘quv yurtlariga joriy yilda bakalavriat ta’lim yo‘nalishiga 4 ming 772 talaba qabul qilinishi rejalashtirilgan, deb O‘zAga tayanib xabar beradi “KRuz.uz”.
Joriy yilda abituriyentlarning o‘tgan yilga nisbatan 25-30 foizga ko‘p bo‘lishi inobatga olinib, test sinovlari o‘tkazish talab va qoidalariga javob beradigan bino va auditoriyalar tanlandi. O‘tgan o‘quv yilida test sinovlari 53 binoda o‘tkazilgan bo‘lsa, joriy yilda 60 dan ziyod obyekt tanlab olindi. Ularda 45 ming 500 dan ortiq abituriyentning test sinovlari topshirishi kutilmoqda.
Toshkent davlat agrar universiteti Nukus filialida belgilangan kvotaga asosan joriy yil talabalar qabul qilish 20 foizga oshirildi. 17 yo‘nalish bo‘yicha qishloq xo‘jaligi sohasi uchun malakali kadrlar tayyorlanayotgan filialda joriy o‘quv yili uchun ajratilgan 630 o‘rindan 190 tasi davlat granti, 440 tasi to‘lov-shartnoma asosida o‘qishga qabul qilinadi. Baliqchilik sohasi mutaxassisligi bo‘yicha zootexnika yo‘nalishi tashkil etildi.
Izoh (0)