Amerikalik tijoratchi Ilon Mask unga tegishli Boring Company kompaniyasi “Godo” mashinasi yordamida Los-Anjeles shahri (Kaliforniya shtati) ostidan o‘tadigan tunnelning birinchi seksiyasini qaziganini bildirdi. Ushbu tunneldan avtomobil yo‘li o‘tadi, deb xabar beradi “TASS”.

“‘Godo’ burg‘ulashni boshladi va hozirgina Los-Anjeles tunnelining birinchi seksiyasini yakunladi”, — deb yozdi Mask Twitter’dagi sahifasida.

Tirbandliklarga qarshi kurash maqsadida shahar ostidan avtomobil yo‘lini o‘tkazish rejasi haqida Mask o‘tgan yil dekabrida ma’lum qilgan edi.