IShID terrorchilik guruhi jangarilari Suriyadagi o‘zlari zabt etgan tumanlarda savdogarlarni Suriya lirasi o‘rniga, terrorchilar tomonidan joriy qilingan “valyuta” — dinordan foydalanishga majbur qilmoqda, deb yozadi “TASS” Al-Arabiya telekanaliga tayanib.
Uning ma’lumotlariga ko‘ra, IShID tarafdorlari o‘zlari nazorati ostidagi hududlarda barcha do‘konlar egalari va mayda individual savdogarlarga 27-iyun, seshanba kunidan boshlab narxlarni belgilashda va mahsulotlarni sotishda dinordan foydalanish”ni yuklaydigan farmoyishni tarqatgan.
Terrorchilar bir dinorning qiymatini Suriyada amalda bo‘lgan 1 ming liraga teng deb belgiladi. Farmoyishda, shuningdek, IShID “valyutasi”ning Suriya lirasiga nisbatan kursi har kuni belgilab borilishi aytiladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.