AQSh maxsus kuchlarining oddiy hayotda foydasi tegishi mumkin bo‘lgan 11 taktikasi

AQSh maxsus kuchlarining sobiq serjant-mayori Karl Erikson oddiy hayotda, ayniqsa biznes yuritayotgan yoki har qanday sohada muvaffaqiyatga erishishni istagan odamga foydasi tegishi mumkin bo‘lgan armiya maslahatlari bilan bo‘lishdi, deb xabar berdi Insider Pro.

 1. Omon qolishga intiling

To‘g‘ri fikr yuritish 90 foiz muammolarni chetlab o‘tishga yordam beradi. Buning hech qanday qiyin joyi yo‘q. Ertalab turganda ko‘zguga qarab o‘zingiz “Bugun o‘zimni yoki yaqinlarimni himoya qilishimga to‘g‘ri kelishi mumkin” deng. Siz o‘zingizni jangchi ekanligizga ishontirishingiz kerak.

2. Chekinish rejasini o‘ylab qo‘ying

Doimo o‘zingizdan nimadir sodir bo‘lsa men qanday yo‘l tutaman deb so‘rang. Bunda qayerda ekanligizni ahamiyati yo‘q, xoh Starbucks’dagi qurilishda yoki besh yulduzli restoranda bo‘ling. Sizning rejangiz mukammal bo‘lishi shart emas — shunchaki chiqish yo‘li borligining o‘zi kifoya.

3. Qoningizni ertalabdan qiziting

Kinolarda ko‘pincha askarlarning ertalabdan yugurayotgani ko‘rsatiladi. Ular buni real hayotda ham amalga oshiradi. Nega? Chunki ertalabdan yugurish pulsning maqsadli zonasiga erishishda yordam beradi. Bu nafaqat tana uchun, balki aql uchun ham foydalidir.

4. Intuitsiyangizga doim ishoning

Agarda sizga nimadir noto‘g‘ridek tuyulayotgan bo‘lsa yoki o‘zingizda bo‘lmasangiz — u yerga suqilmang. Bu usul yuzlab odamlarning hayotini saqlab qolgan. Ta’riflab bo‘lmas oltinchi hissiyot harbiylar hayotini bir necha bor asragan.

5. Sizga ishonmagan insonlarga ishoning

Bu yaxshi! Kimdir sizning har bir so‘zingizga osilaversa, unga bu nega kerak deya o‘ylab ko‘rmoq lozim. Bu shaxs o‘zining alohida sezgirligi bilan ajralib turmaydi yoki sizni aldashga harakat qiladi — buning ikkisi ham sizga yoqmaydi. Shuning uchun siz do‘stingizga shubha bilan qaraganingiz kabi u ham sizdan shubhalanadi.

6. O‘zingizni tartibga keltiring

Sizning omadingiz qanday kiyinish va o‘zingizga qarashingizga bog‘liq. Hatto jang maydonlarida ham askarlarning soqoli toza qilib olinganini ko‘rish mumkin. Tishni tozalashning o‘zigina jangovar kayfiyatni 13 foizga ko‘tarishi aniqlangan.

7. Jangovar ritmga shaylaning

Ko‘zlagan maqsadingiz ro‘yxatini va shundan keyin uni amalga oshirish rejasini tuzing. Har kuni shunday qilsangiz natijasi sizni kuttirib qo‘ymaydi.

8. Vaqtida keling, erta emas

Oqshomga yoki uchrashuvga erta kelib olsangiz boshqalarda sabrsizdek tasavvur uyg‘otasiz. Ish olamida esa bu sizning bo‘sh vaqtingiz ko‘p va shunchaki kutib o‘tirishingiz mumkinligidan dalolat beradi.

9. Diqqatingizni asosiy maqsadga jamlang

Majlislarda ham jang maydonidagi kabi asosiy maqsadni ko‘zlash kerak. Bo‘lar-bo‘lmas savollar va keraksiz fikrlarni chetga suring.

10. Sizning elektron xatingizni yana kimdir o‘qishi mumkinligini tasavvur qiling

Amerikalik harbiylar o‘z xatlarini ishonchi qilib shifrlaydi, chunki ularni Xitoy maxsus xizmati o‘qiyotganini biladi.

Sizning davlat siringiz bo‘lmasa ham shunday o‘ylashingiz kerak. Tasavvur qiling qachondir siz yozgan xatlar o‘zingizga qarshi ishlatilishi mumkin.

11. Salbiy fikrlashni to‘xtating

Agarda siz tomonga qarab katta yuk mashinasi bostirib kelayotgan bo‘lsa nima qilasiz? Yo‘lning chetiga o‘tasiz, shundaymi? Hayotda ham shunday: yo‘lingiz pastga qarab ketsa, uning yo‘nalishini o‘zgartiring. Xursandchilik qiling, dam oling. Yangi yo‘l oching, ishga boshingiz bilan sho‘ng‘ing. Yuk mashinasi g‘ildiraklari orasida qolmaslik uchun boshqacha fikrlashni o‘rganing.