Germaniya tashqi ishlar vazirligi Turkiya prezidenti Rajab Toyyib Erdo‘g‘on Gamburg shahridagi o‘tadigan G20 sammitiga AQShda namoyishchilar bilan mushtlashgan qo‘riqchilarni olib kelmasligidan umidvor. Rasmiy Anqara bu borada va’da bergan, deb xabar qiladi “TASS”.
“Anqaradan olgan axborotimizga tayangan holda Vashingtondagi janjalda ishtirok etgan shaxslar Gamburgda Turkiya prezidentiga hamrohlik qilmasligidan umidvormiz”, — deyiladi bayonotda.
Ilgariroq Germaniya tilga olingan shaxslarning mamlakatga kirishini taqiqlashi borasida xabarlar tarqalgan edi. Endilikda taqiq rasmiy tusga kirdi.
Ikki oy muqaddam Erdo‘g‘onning qo‘riqchilari AQShda unga qarshi namoyishga chiqqan odamlar bilan mushtlashgan edi. AQShda ularning ayrimlarini hibsga olish uchun ruxsatnomalar chiqarilgan. Ularning Germaniyaga kirishini taqiqlash qarori haqida hukumat vakillari Bundestagdagi yopiq majlis chog‘ida parlamentariylarni boxabar qildi.
Izoh (0)