Dehlida O‘zbekistonning Hindistondagi elchixonasi Javoharlal Neru nomidagi universitet bilan birgalikda o‘zbek–hind munosabatlarining rivojlanish istiqbollariga, shuningdek, joriy yilning 8-iyun kuni Ostonada bo‘lib o‘tgan ShHT sammitiga bag‘ishlangan davra suhbati bo‘lib o‘tdi, deb xabar berdi “Jahon”.
Tadbirda ishtirok etgan ijtimoiy va siyosiy, akademik hamda ekspertlar doirasi vakillariga, shuningdek, Hindiston OAV vakillariga ikki tomonlama munosabatlarning hozirgi darajasi va iqtisodiyot, investitsiya, turizm, madaniy-gumanitar sohalardagi hamkorliklar bo‘yicha batafsil ma’lumot berib o‘tildi.
Ostona shahrida bo‘lib o‘tgan ShHT sammiti yakunlariga ko‘ra O‘zbekiston Prezidenti Shavkat Mirziyoyev hamda Hindiston bosh vaziri Narendra Modining ikki tomonlama uchrashuvi o‘zbek–hind munosabatlarida yangi sahifa ochib berdi.
Ostonadagi ShHT sammitining asosiy jihatlaridan biri Hindistonning Shanxay hamkorlik tashkilotiga to‘laqonli a’zo sifatida qabul qilingani bo‘ldi.
Javoharlal Neru universitetining Markaziy Osiyo hamda Rossiyadagi tadqiqot markazi direktori Sanjay Pandeyning ta’kidlashicha, O‘zbekiston bugungi kunda Hindiston uchun Markaziy Osiyodagi muhim strategik hamkor hisoblanadi.
Izoh (0)