Qozog‘iston aholisi joriy yil iyul oyida 18 million kishiga yetadi. Bu haqda mamlakat prezidenti Nursulton Nazarboyev Butunjahon qozoqlar qurultoyida ma’lum qildi, deya xabar beradi “Nur.kz”.
“Farovonlik oshib borgani sari aholi soni ham ortib bormoqda. Agar ilgari har yili 200 ming chaqaloq tug‘ilgan bo‘lsa, hozirda 400 ming chaqaloq dunyoga kelmoqda. 1-iyul kuni esa Qozog‘iston aholisi 18 million kishiga yetadi”, — ta’kidladi Qozog‘iston prezidenti.
Nazarboyevga ko‘ra, 1991-yili, mustaqillik e’lon qilinganida Qozog‘iston aholisi tarkibida qozoqlar ulushi 40 foizni tashkil etgan bo‘lsa, hozir bu ko‘rsatkich 70 foizdan oshdi.
Izoh (0)