Filippin prezidenti Rodrigo Duterte IShID tarafdori bo‘lgan jangarilar tomonidan egallangan Maravi aholisi oldida shaharda joriy etilgan harbiy holat uchun uzr so‘radi. Bu haqda CNN xabar bermoqda.
“Menda tanlash imkoniyati yo‘q edi. Ular Maravini vayron qilmoqda. Ularni quvib chiqarishim kerak edi. Lekin juda afsusdaman”, — dedi Mindanao orolidagi qochoqlar markazida chiqish qilgan Duterte.
Filippin prezidenti shahar ozod etilganidan so‘ng uni qayta qurishga va’da berdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)