Venesuela hukumati Vashington mamlakat suverenitetini hurmat qilgan taqdirda AQSh rasmiylari bilan muzokaralar o‘tkazishga tayyor. Bu haqda Venesuela prezidenti Nikolas Maduro ma’lum qildi, deya xabar beradi “TASS”.
“Hozirgi kunda biz barcha bilan muloqot olib borishga tayyormiz. Jumladan, AQSh hukumati bilan ham. Biz gaplashishimiz kerak, agar Donald Tramp Venesuela haqidagi bor haqiqatni ko‘ra olsa, men u bilan muloqot qilishim mumkin bo‘lardi”, — ta’kidladi Nikolas Maduro.
Veneuela prezidenti yaqin orada mamlakatga Lotin Amerikasi va Karib davlatlari hamjamiyatiga a’zo 5 davlat vakillari kelishi va muxolifat bilan muzokaralarda ishtirok etishini bildirdi.
Eslatib o‘tamiz, oldinroq Tramp ma’muriyati Venesuelaga qarshi yangi sanksiyalar joriy etishni rejalashtirayotgani ma’lum qilingandi.
Izoh (0)