21-iyunning e’tiborga molik yangiliklari — “Daryo”ning kechki dayjestida.
1. Abdulla Aripov O‘zbekistonning turli mintaqalaridan kelgan tadbirkorlarning muammolari bilan tanishdi. Bosh vazir Davlat bojxona qo‘mitasiga importchilarning reyting tizimini joriy etish tavsiya etilganini ma’lum qildi.
2. Saudiya Arabistoni qiroli valiahd shahzodani o‘zgartirdi. Muhamamad bin Naif o‘rnini monarxning 31 yoshli o‘g‘li Muhammad bin Salmon egalladi.
3. “Aloqabank” va “Asaka” banki avtokredit berishni boshladi. 2017-yilning iyunidan boshlab O‘zbekiston fuqarolari mamlakatda ishlab chiqarilgan avtomobillarni kreditga olish imkoniyatiga ega bo‘ldi.
4. Jizzaxda sud ijrochisi jurnalistga mazasini qochirish bilan tahdid qildi. “Men ommaviy axborot vositasi xodimi sifatida shuncha tashvishlarni boshdan o‘tkazdim, oddiy odamlar nima qilishayapti ekan?”.
5. “Qozog‘iston“ kinoteatri oldiga o‘rnatilganiga bir kun bo‘lgan metall to‘siqlar olib tashlandi. Avvalroq bu to‘siqlar sindirilgan edi.
Izoh (0)