Futbol bo‘yicha O‘zbekiston Oliy ligasida 14-tur bellashuvlariga yakun yasaldi. Mazkur tur “Nasaf”ning Toshkentdagi mag‘lubiyati bilan start olgandi.
“Buxoro” mehmoni bo‘lgan “Bunyodkor” futbolchilari 2:4 hisobida yengildi. O‘tgan mavsumni buxoroliklar safida o‘tkazgan Vadim Chemirtan tomonidan sobiq jamoasiga urilgan gol “qaldirg‘ochlar”ni yirik mag‘lubiyatdan qutqarib qoldi.
Qo‘qonga tashrif buyurgan “So‘g‘diyona” dramatik o‘yinda ishtirok etdi va 2:3 hisobida imkoniyatni boy berdi. Mazkur g‘alaba No‘mon Hasanov jamoasini turnir jadvalida 2-o‘ringa olib chiqdi.
Bellashuv davomida Sanjar Rashidov 1 ta gol urdi va 1 ta penaltini ko‘kka sovurdi. Shuningdek, qizil kartochka olib, maydondan chiqib ketishga ham ulgurdi. Shu kuni hakamlar “So‘g‘diyona”ning ikki nafar futbolchisiga qizil kartochka ko‘rsatdi.
O‘zbekiston Oliy ligasi 14-tur bellashuvlari 20-iyun, seshanba
“Qo‘qon-1912” — “So‘g‘diyona” 3:2
Gollar: Murod Xolmuhammedov, 20-pen (1:0). Suhrob Berdiyev, 25 (2:0). Filip Rayevats, 45 (3:0). Sardor Eminov, 55-pen (3:1). Sanjar Rashidov, 76 (3:2).Noaniq penalti: Sanjar Rashidov, 37 (S).Chetlatishlar: Sardor Qulmatov, 83 (S). Sanjar Rashidov, 84 (S).“Sho‘rtan” — “Obod” 2:0
Gollar: Igor Taran, 9 (1:0). Zafar Polvonov, 26 (2:0).“Navbahor” — “Olmaliq” 1:1
Gollar: Nemanya Yovanovich, 83 (1:0). Shohnazar Norbekov, 90+2 (1:1).“Buxoro” — “Bunyodkor” 4:2
Gollar: Nurillo To‘xtasinov, 22-avt (1:0). Ivan Nagayev, 25 (2:0). San’at Shixov, 36 (3:0). Doston Hamdamov, 65 (3:1). Nozim Umurov, 79 (4:1). Vadim Chemirtan, 90+3 (4:2).“Lokomotiv” — “Dinamo” 2:0
Gollar: Ikrom Aliboyev, 18 (1:0). Murod Bobojonov, 56 (2:0).
Izoh (0)