Toshkent shahrida “Qozog‘iston” kinoteatri va Yunusobod tumani hokimligi oralig‘ida joylashgan Amir Temur shoh ko‘chasidagi piyodalar yo‘lagi yopib qo‘yildi. Hozirda o‘tish joyida qatorasiga metall to‘siqlar o‘rnatilgan. Bu haqda UZ24 xabar bermoqda.
O‘tish yo‘lagi yopib qo‘yilganiga qaramay, piyodalar metall to‘siqdan oshmoqda. Ular orasida ayollar va bolalar ham bor.
Ushbu yopiq yo‘lak yonida, ya’ni “Minor” metrosi yaqinidagi chorrahada 3 daqiqada yetib borsa bo‘ladigan boshqa piyodalar yo‘lagi mavjud.
Avvalroq “Qozog‘iston” kinoteatri oldidagi mazkur o‘tish yo‘lagi bir necha marotaba piyodalar ishtirokidagi YTHga sabab bo‘lgan edi.
Izoh (0)