Samara viloyatining Podstyopki qishlog‘ida istiqomat qiluvchi fermer Aleksandr Mislivchenko uchar likopchaning karkasini yog‘ochdan yasadi va uni havoga uchirishga tayyorlanmoqda. Bu haqda “Bolshaya derevnya” portaliga tayanib, Afisha Daily xabar berdi.
Fermer ko‘plab NUJlar suratlarini o‘rganib chiqqanidan so‘ng uchar qurilmani yaratish ishlarini boshlagan. Yog‘och karkasning diametri yetti metrga teng va u tez orada yoritish va dvigatel bilan jihozlanadi.
Mislivchenkoning aytishicha, u uchar likopcha yordamida yoshlarni texnikaga, samolyotsozlik tarixiga bo‘lgan qiziqishini uyg‘otishni, shuningdek, Tolyatti hududlariga turizmni rivojlantirishni niyat qilgan.
Yaratuvchilar qurilma 80 metr balandlikka qadar ko‘tarilishiga ishonmoqda.
Konstruktorlar va elektriklarning ishonchiga qaramay qishloq aholisi yog‘och qurilmaning xavfsizligidan xavotirda. Mislivchenkoning qishloqdoshlari o‘zlari va uylarining xavfsizligini ta’minlash maqsadida politsiyaga murojaat qilish maqsadida.
Agarda parvozni amalga oshirishga ruxsat bo‘lmasa fermer likopchani o‘z hududida qoldirib art-obyektga aylantiradi.
Izoh (0)