AQShning Ogayo shtatida istiqomat qiluvchi Krista Chepin Facebook’dagi sahifasida istalgan manzil, hatto kinoteatrga ham tarvuz olib o‘tishga yordam beruvchi usul bilan o‘rtoqlashdi.
Qiz va uning dugonasi tarvuzni o‘rtasidan bo‘lib, ikki qismini ham plyonkaga o‘rab, yopishqoq tasma yordamida qorinlariga mahkamlab chiqdi.
“Men tarvuz yeyishni istagandim. Dugonam bo‘lsa kinoga borishni. Biz uni ham, buni ham uddaladik!”, — deya izoh qoldirdi fotolarga Chepin.
Krista Chepinning usuli ko‘pchilikka ma’qul kelgan ko‘rinadi: qisqa muddat davomida u bilan 76 mingdan ortiq foydalanuvchi o‘rtoqlashgan.
Izoh (0)