14-iyun kuni tushdan keyin Toshkent shahrida kuchli shamol turdi. Shamol avtomobillar, svetoforlar, daraxtlarga ziyon yetkazdi, deb yozadi UZ24.
Shamol oqibatlari aks etgan suratlar Internet tarmoqlarida bir zumda tarqaldi. Ularda daraxtlar shoxlari avtomobillar ustiga, svetofor yerga qulab tushganini ko‘rish mumkin.
Gidrometeorologiya xizmati markazi UZ24 ga ma’lum qilishicha, soat 14:40 da shamolning tezligi soniyasiga 18 metrni tashkil etdi. Sinoptiklarning qayd etishicha, shamolga katta tezlik bilan harakatlanayotgan bulutlar parchasining yoppasiga kelishi sabab bo‘lgan.
Boforte shkalasi bo‘yicha soniyasiga 18 metr tezlikda esgan shamol “juda kuchli” deya baholanadi.
Izoh (0)