Dohada Janubiy Koreya termasi ustidan 3:2 hisobida zafar quchgan Qatar ochkolari sonini 7 taga yetkazib, Xitoydan o‘zib ketishga muvaffaq bo‘ldi. Shu tariqa qatarliklar mundial yo‘llanmasini qo‘lga kiritish imkoniyatini saqlab qoldi.
Bunga qadar Janubiy Koreya 13 ochko jamg‘arib, Erondan keyin ikkinchi jamoa bo‘lib turgandi. Qatardagi 3 ochko “Osiyo yo‘lbarslari”ning O‘zbekiston termasidan 4 ochko ilgarilab ketishini ta’minlashi mumkin edi. Biroq Uli Shtilike shogirdlari aqalli durang natijani ham qo‘lga kirita olmadi.
13-iyun kuni Suriya va Xitoy termalarining o‘zaro durang o‘ynagani ham Tehronda taslim bo‘lgan O‘zbekiston termasining foydasiga ishlab bergandi.
Ma’lumot uchun, guruhning 9-tur uchrashuvlari 31-avgust kuni, so‘nggi tur esa 5-sentabr sanasida bo‘lib o‘tadi. Oldinda O‘zbekiston termasini Xitoyga qarshi safar va Janubiy Koreyaga qarshi Toshkentdagi o‘yinlar kutib turibdi.
JCh—2018. Saralash “A” guruhi. 8-tur 13-iyun, seshanba