Iyun oyi oxirida Los-Anjelesda bo‘lib o‘tadigan The Profile Hollywood Auction 89 kimoshdi savdosida “Yulduzli janglar”ni suratga olishdagi rekvizitlarning bir qismi sotuvga qo‘yildi. Bu haqda 13-iyun, seshanba kuni Luxurylaunches xabar berdi.
Lotlar orasida kinofranshizaning asosiy personajlaridan biri Lyuk Skayuokerning yorug‘lik qilichi ham bor.
Ekspertlarning baho berishicha, uning bahosi 150 dan 250 ming dollargacha bo‘lgan summani tashkil etadi. Qilich prodyuser Gari Kursga tegishli. Qurolga uning haqiqiyligi to‘g‘risidagi sertifikat ham ilova qilingan.
Kimoshdi savdosida boshqa kartinalarni suratga olish jarayonidagi buyumlar, jumladan, “Charli va shokolad fabrikasi” filmidan oltin chipta, shuningdek, “Begonalar” filmidan aktyor Bill Pekstonning anjomlari ham sotuvga qo‘yiladi.
Izoh (0)