Samarqand viloyati hokimi vazifasini bajaruvchisi etib Turobjon Jo‘rayev tayinlandi, deb xabar berdi Uz24.

Foto: Toshkent viloyati hokimligi

Turobjon Jo‘rayev 2017-yilning aprelidan beri Bekobod tumaniga hokimlik qilib kelayotgan edi.

Jo‘rayev 2008-yildan 2011-yilga qadar Surxondaryo viloyatida, 2011—2013-yillar oralig‘ida Qashqadaryo viloyatida hokim lavozimida ishlagan.

Samarqand viloyatining sobiq hokimi Himmat Oqbo‘tayev 12-iyun kuni Samarqand viloyatidagi moliyaviy hamda soliq tizimidagi bir qator kamchiliklar sabab vazifasidan ozod etilgandi.