Telegram messenjeri asoschisi Pavel Durov AQSh Federal qidiruv byurosi agentlari unga bosim o‘tkazganini aytdi. Bu haqda u Twitter’da jurnalist Yasha Levinning tvitiga javoban yozdi, deb xabar beradi Meduza.
Durovning so‘zlariga qaraganda, u 2016-yili dasturchilar jamoasi bilan AQShda bo‘lganida federal organlar xodimlari bir hafta ichida ikki marta uning dasturchilarini sotib olishga uringan, uning o‘ziga xos FQB tomonidan bosim o‘tkazilgan. Bosim aynan nimadan iborat bo‘lganini Durov aniqlashtirmadi, ammo AQShda chinakam kriptografik mustaqil dastur yaratish imkonsiz ekanligini ta’kidladi.
During our team's 1-week visit to the US last year we had two attempts to bribe our devs by US agencies + pressure on me from the FBI.
— Pavel Durov (@durov) June 11, 2017
Shuningdek, Durov Signal himoyalangan messenjerini tanqid qildi. Uning ta’kidlashicha, messenjer AQSh hukumati bilan bog‘liq Open Technology Fund jamg‘armasidan moliyalashtiriladi, shu bois uni himoyalangan deb bo‘lmaydi.
Izoh (0)